బియ్యం రవ్వ (వరినూక) ఉప్మా

బియ్యం రవ్వ (వరినూక) ఉప్మా 

కావలసిన పదార్థాలు 

బియ్యం రవ్వ - 1 కప్పు (బియ్యం సన్నగా రవ్వలాగా మరపట్టించి ఉంచుకోవాలి)  

పెసరపప్పు - 1 స్పూన్ 

ఆవాలు - 1/4 స్పూన్ 

జీలకర్ర - 1/2 స్పూన్ 

అల్లం - చిన్న ముక్క (సన్నగా చిన్నముక్కలుగా తరిగి ఉంచుకోవాలి)

పచ్చిమిర్చి - 2 (చిన్నముక్కలుగా తరిగి ఉంచుకోవాలి)

ఎండుమిర్చి - 2 (చిన్నముక్కలుగా తుంపి ఉంచుకోవాలి)  

కరివేపాకు - 2 రెబ్బలు 

ఉప్పు - రుచికి సరిపడా 

నూనె - 6 స్పూన్స్

నీరు - 2 కప్పులు  

తయారీవిధానం

ముందుగా స్టవ్ వెలిగించి బాణలి పెట్టి 2 స్పూన్స్ నూనె వేసి ఆవాలు వేసి చిటపటలాడాక పెసరపప్పు, పచ్చిమిర్చి, ఎండుమిర్చి ముక్కలు, అల్లం ముక్కలు, కరివేపాకు అన్నీ వేసి బాగా వేగిన తరవాత 2 కప్పుల నీళ్ళు పోసి, తగినంత ఉప్పువేసి, మూతపెట్టి ఉంచాలి. నీళ్ళు బాగా మసిలిన తరవాత స్టవ్ మంట తగ్గించి, రవ్వని పోస్తూ గరిటతో తిప్పుతూ ఉండాలి. అలా తిప్పకపోతే రవ్వ ఉండలు కట్టేస్తుంది. అంతా బాగా కలిసాక 5 నిమిషాల వరకు అలాగే స్టవ్ పైనే ఉంచి తరవాత స్టవ్ ఆపెయ్యాలి. స్టవ్ ఆపిన తరవాత కూడా 10 నిమిషాల తరవాత కొబ్బరి చట్నీతో వేడివేడిగా తినాలి. అంతే కమ్మటి బియ్యంరవ్వ ఉప్మా రెడీ.