21.6.13

మాగాయ

మాగాయ
కావలసిన పదార్థాలు
మామిడి కాయలు -- 6
ఉప్పు -- 2 కప్పులు 
కారం --2 కప్పులు
మెంతిపొడి -- 3 స్పూన్స్(నూనె లేకుండా మెంతులు దోరగా వేయించి, పొడి చేసి ఉంచుకోవాలి)
నూనె -- 1/4 కేజీ
పోపుదినిసులు --ఎండుమిర్చి, మెంతులు, ఆవాలు & ఇంగువ.
పసుపు -- 1 స్పూన్

తయారీ విధానము
మామిడికాయలు శుభ్రం చేసాక, చెక్కు తీసి, పల్చగా & సన్నగా ముక్కలు తరిగిపెట్టుకోవాలి. ఈ ముక్కలలో ఉప్పు & పసుపు వేసి కలిపి మూతపెట్టుకుని, 3 వ రోజు ఆ ఊటలోనుండి ముక్కలు గట్టిగా పిండి వేరేగా తీసి, ముక్కలు వేరేగా, ఊట వేరేగా ఎండబెట్టుకోవాలి. ముక్కలు బాగా ఎండిన తరవాత, ఊటలో వేసి కలపాలి. ఇప్పుడు దీనిలో కారం & మెంతిపొడి కలిపి ఉంచుకోవాలి. ఇప్పుడు స్టవ్ వెలిగించి, బాణలి పెట్టి, నూనె వేసి, ఆవాలు, మెంతులు, ఎండుమిర్చి & ఇంగువ వెయ్యాలి. వేగిన తరవాత దించి, చల్లారిన తరవాత మాగాయముక్కలలో వేసి కలపాలి. అంతే ఎంతో పుల్లని, కారం మాగాయపచ్చడి రెడీ. ఈ మాగాయ పచ్చడి జాగ్రత్తగా జాడీలో దాచి ఉంచితే, ఎన్ని సంవత్సరాలైనా నిల్వ ఉంటుంది.


1 comment:

  1. You seem to be copying pictures from other blogs and posting on your blog. Check this URL: http://www.talimpu.com/category/pickle/page/17/. Like wise there many other pictures copied and posted in your blog. Please be original. Thanks.

    ReplyDelete