పెరుగు గారెలు

పెరుగు గారెలు

కావలసిన పదార్థాలు:::
మినపపప్పు --1 కేజీ
చిక్కటి, కమ్మటి పెరుగు -- 1లీటరు
ఉప్పు -- తగినంత
ఆవాలు -- 1 స్పూన్
పోపుదినుసులు -- కొంచెంగా
అల్లం ముక్క - చిన్నది
పచ్చిమిర్చి --10
కొత్తిమీర -- ఒక కట్ట
పసుపు -- చిటికెడు
క్యారెట్ తురుము -- ఒక కప్పు
నూనె -- 1/2 కేజీ

తయారుచేయు విధానం:--
నానబెట్టిన పప్పుని తగినంత ఉప్పు వేసి, కొంచెం గట్టిగ రుబ్బుకొని ఉంచుకోవాలి. ఒక వెడల్పాటి గిన్నెను తీసుకొని, అందులో పెరుగు వేసి, పసుపు, ఉప్పు వేసి కలిపి ఉంచుకోవాలి. కొత్తిమీర, అల్లం, పచ్చిమిర్చి మెత్తగామిక్సీ చేసి, పెరుగులో కలుపుకోవాలి.ఈ పెరుగులో ఆవాలు కొంచెం పోపుదినుసులు వేసి పోపు వేసుకోవాలి. ఇప్పుడు స్టవ్ వెలిగించి బాణలిపెట్టి, నూనె పోసుకుని, కాగాక, పిండిని కొంచెం కొంచెం తీసుకోని, వడలు వేసుకోవాలి, రెండు పక్కల బాగా వేగాక తీసి, ముందుగా చల్లని నీటిలో 2 నిముషాలు ఉంచి, అప్పుడు పెరుగులో వెయ్యాలి. అంటే నోరూరించే పెరుగు గారెలు రెడీ.......క్యారెట్ తురుము, కొత్తిమీర గారెలుపైన అలంకరించుకోవాలి.